خلفية
دردشة جانبية حصلت بين زميلين وعلى جانب المواضيع تناول الزميلين اسم الاعلامية المرموقة نسرين ظواهرة ، وجاء في الحديث بأن نسرين حظها بالسما كيف قدرت تحقق اللي حققتو الخ … على خلفية حديث الزميلين ردت نسرين ما يلي :
قصتي:
لما وصلتني دردشة بين زميلين انو نسرين اوووف حظا بالسما كيف حققت كل اللي حققتو… ضحكت وقلت بقلبي شو مغشوشين😶
في فرق بين الحظ وبين الإصرار والإرادة .
أنا حدا بكي كتير على مخديتو لأن أحلامي كانت توجعني..
أنا حدا كل حياتو ما نام منيح من كترة الأفكار اللي براسو…
انا حدا كتار بالبدايات استقلّوا بقدراتي واستفذوني.. وكنت قول جايي الإيام قلكن مين أنا.
أنا حدا اشتغل بكل شي من تحت الصفر لوصلت شوي فوق الصفر.
أنا حدا من مجتمع أقل من متوسط وفخورة بأهلي اللي علموني شو يعني كون عيني شبعانة صون الأمانة وكون أمينة.
أنا حدا من اول لحظة بحياتي قلت ما رح اتكل غير على نفسي وبدون اي مساومات حققت كتير.
أنا حدا عاش بين الألغام وكل مرة كنت اطلع من المعركة سليمة لاني بخاف الله.. واللي بخاف الله ما تخاف منو.
أنا حدا لهاللحظة بعاني من غيرة ناس بتحسدني على تعبي كل هالسنين.. ناس بتشوف بنجاحي فشلا…
أنا حدا ما بيعرف يستسلم ما بيعرف يخسر وما بيعرف يفشل….
انا مش محظوظة أنا تعبت وتعبت كتير…
وما تعلمت غير شغلة وحدة بالحياة :
اتوجع/ اتكابر على الوجع/ اوقف عإجريي/ إبتسم/ قول كلمتي وامشي وما اطلّع ورايي…❤
#نسرين_الظواهرة #صحافة #اعلام #صحافية_لبنانية #مذيعة_لبنانية #لبنان #الجديد #صباح_اليوم